30 апреля 2014 г.
Чăваш чĕлхи кунне халалласа пĕрремĕш класра вĕренекенсем «Сывă пул, букварь» çул çÿреве тухрĕç. Е.Н.Петрова ертсе пынипе тĕрлĕрен вăйăсем, ăмăртусем, пуçватмăш сăвăсем уява пуянлатрĕç. Вĕсемпе пĕрле 2-4 классенче вĕренекенсем те савăнчĕç.
Пирĕн республикăра иккĕмĕш хут пĕтĕм халăхпа пĕрле чăвашла диктант çырчĕç. Юнтапа шкулĕнчи вĕренекенсемпе вĕрентекенсем те хăйсен пĕлĕвĕсене тĕрĕслерĕç. Çавăн пекех аслăрах классенче вĕренекенсемшĕн те хăйне евĕр çул çÿрев маршручĕ пулчĕ: пĕлĕвĕсене тăван чĕлхе, литература, тăван ен йăли-йĕрки енĕпе тĕплĕн тĕрĕслерĕç, пултарулăхĕсемпе паллаштарчĕç. «Чи ăста сăвă вулакан» номинацире 10-мĕш класра вĕренекен Юлия Самсоновăна çитекенни пулмарĕ.
А.КРАСНОВА,
Юнтапа шкулĕн вĕрентекенĕ