Публикации » Çĕнтерÿçĕсене палăртнă

30 апреля 2014 г.

Чăваш наци библиотекинче «Чи нумай вуланă кĕнеке-2012» республика конкурсĕн çĕнтерÿçисене палăртнă.

«Чи лайăх буктрейлер» номинацире пирĕн районти Питĕшкассинчи тĕп вулавăш мала тухнă. Кăçал пуринчен нумай вулакансен йышĕнче Чăваш Сурăмĕнчи Вячеслав Михайлов палăрнă. Ураскилтри шкулта 7-мĕш класра вĕренекен Ксения Григорьева, Элĕкри И.Я.Яковлев ячĕллĕ шкулта 8-мĕш класра ăс пухакан Елена Тайгильтова конкурс дипломанчĕсем пулса тăнă. Вулав культурине аталантарнăшăн, конкурса хастар хутшăннăшăн районти тĕп библиотекăна Тав çырăвĕ панă. Çĕнтерÿçĕсене дипломсемпе, парнесемпе чысланă.