30 апреля 2014 г.
Элĕкри «Çăлкуç» ача садĕнче пĕчĕккисене пушар хăрушсăрлăхĕн правилисене вĕрентнĕ чухне тĕрлĕ майсемпе усă куратпăр.
Иртнĕ кунсенче акă ушкăнсенче «Çын тата çулăм», «Кил-çуртра хăрушлăх сиксе тухсан», «Çулăм ăçта пурăнать;» темăсемпе калаçусем ирттернĕ. Çавăн пекех ачан шухăшлавне дидактика вăййисем аталантарма пулăшаççĕ.
«Эпир - пушарнăйсем», «Çăлавçăсем» сюжетлă вăйăсем пĕчĕккисене инкек сиксе тухсан хăйсене мĕнле тытмаллине хăнăхтараççĕ. «Суя» вут-çулăма сÿнтерме хутшăнса пушар хăрушсăрлăхĕн правилисене мĕнле пĕлнине кăтартрĕç.
«Почемучки» тата «Знайки» хатĕрленÿ ушкăнĕсене çÿрекенсем Е.Егорова тата Е.Иванова воспитательсемпе Р.Иванова физкультура вĕрентекенĕ «Çамрăк пушарнăй» конкурс ирттерчĕç. «Çăлкуç» ача садĕнче планпа эвакуаци хатĕрленĕвĕсем те тăтăшах иртеççĕ.
Л.СОКОЛОВА,
«Çăлкуç» ача сачĕн заведующийĕ.