26 апреля 2014 г.
Вĕренекенсен пĕлÿ шайне ÿстерме пулăшас, тĕрлĕ енлĕ аталанма майсем туса парас тĕллевпе çулсерен «Çулталăк вĕренекенĕ» иртет. Кăçал асăннă конкурсăн районти тапхăрĕ пуш уйăхĕн 26-мĕшĕпе акан 18-мĕшĕччен пулчĕ. Жюри членĕсем «Çулталăк вĕренекенĕ -2014» конкурса хутшăннă ачасен ăс-хакăл çивĕчлĕхĕпе пултарулăхне тĕрлĕ енлĕ хак пачĕç. Элĕкри вăтам шкулта тăххăрмĕш класра пĕлÿ пухакан Надежда Антонова анлă тавракурăмĕпе тĕлĕнтерчĕ, çĕнтерÿçĕ пулса тăчĕ. Çавăн пекех малти вырăна Тавăтри вăтам шкулта вĕренекен Виктория Герасимова, Анастасия Куликова, Питĕшкассинчи Руслан Николаев, Юнтапа шкулĕнчи Анастасия Порфирьева, Мăн Вылăри Инесса Шашкина, Ураскилтри Светлана Кузикова тухрĕç.
Çĕнтерÿçĕсен йышне лекнĕ кашни шкул ачине хисеп хучĕсемпе чыслаççĕ тата вĕсем район администрацийĕн пуçлăхĕн стипендине 10 уйăх илсе тăрĕç.
Л.КУЗНЕЦОВА, вĕренÿ пайĕн методисчĕ