08 мая 2014 г.
Çамрăксене çар службине кайма хатĕрлес тĕллевпе Шĕмшеш ял тăрăхĕ вырăнти вĕренÿ учрежденийĕпе пĕрле ĕçлет. Пулас салтаксемпе тăтăшах калаçусем ирттеретпĕр. Тăван çĕр-шывăн Аслă вăрçине хутшăннă Сурăмпуç Шĕмшешри Сергей Егоровпа, Ишпарайкăри Зиновий Максимовпа тĕл пулусем йĕркелетпĕр. Кăçалхи çуркуннехи призывра 17 çамрăка чĕнтернĕ. Вĕсенчен виççĕшĕ Шĕмшешри вăтам шкулта, аслă классенче вĕренеççĕ пулсан, ыттисем ятарлă вăтам пĕлÿ илеççĕ.
Хăйсен пурнăçне çарпа çыхăнтарас тĕллевлĕ çамрăксем те пур. Шкулта 11 класра вĕренекен Иван Барановпа Евгений Павлов çар училищине вĕренме кайма документсем хатĕрлеççĕ, медицина тĕрĕслевĕ витĕр тухаççĕ.
Н.ЩЕВКИНА, çар учечĕпе ĕçлекен специалист.