Публикации » Амăшне вилмеллех хĕненĕ

17 мая 2014 г.

Сурăмварри ялĕнчи 51 çулти хĕрарăм суд умне тăрĕ. Следстви комитечĕн Етĕрнери пайĕ УК 111 статйипе пуçарнă уголовлă ĕçе тĕпчесе пĕтернĕ ĕнтĕ. Хĕрарăм амăшне вилмеллех хĕненĕшĕн явап тытĕ.

Преступлени кăçалхи нарăсăн 18-мĕшĕнче каçхине пулнă. Ÿсĕрскер 79 çулти амăшне хĕнесе пĕтернĕ - сакăр аяк пĕрчине хуçнă. Йывăр суранланнăскер вилсе кайнă. Айăпланакан хăй ăнлантарнă тăрăх - эрех ĕçнĕ хыççăн вăл çывăрма выртнă. Вăраннă та - вăл çур кун юхтарнă сăмакуна амăшĕ четвĕрчĕпех тăкса янă иккен. Çакăншăн тарăхса-урса, ватăскере вилмеллех хĕненĕ.

Н.СТЕПАНОВ.