21 мая 2014 г.
Мартынкассинче çĕр-шывăн Аслă вăрçинче çĕнтернĕренпе 69 çул çитнине халалланă савăнăçлă митинг иртрĕ. Вăрçăран таврăнайман ентешсене асăнса палăк умне чечек кăшăлĕ хутăмăр. Район администрацийĕн пуçлăхĕн çумĕ Э.Николаев тата Чăваш Сурăм ял тăрăхĕн пуçлăхĕ П.Павлов пухăннисене уяв ячĕпе саламларĕç.
Пирĕн тăрăхран вăрçа хутшăннисенчен икĕ çын кăна пурăнаççĕ. Вĕсем К.Ивановпа О.Куприянова. Иккĕшĕ те 90 çултан иртнĕ, сывлăхĕсем хавшакран митинга хутшăнаймарĕç.
Кристина Васильева, Таня Петрова, Марина Ящикова, Кирилл Афанасьев, Илья Орлов шкул ачисем вăрçă çулĕсенчи сăвăсене вуларĕç тата юрăсем юрларĕç. Тыл ĕçченĕсемпе вăрçă ачисем клубра иртнĕ çулĕсене аса илчĕç.
В.АРХИПОВ.