Публикации » Уяв репертуарĕнче - тĕрлĕ юрă-кĕвĕ

28 мая 2014 г.

Славян çырулăхĕпе культурин кунĕ ячĕпе Элĕкри культурăпа кану центрĕн ĕçченĕсем уяв программи хатĕрлерĕç. Вăл пĕтĕм Раççейри уяв программипе пĕр вăхăтра - шăп та шай кăнтăрлахи 12 сехетре пуçланчĕ. Уяв ветерансен хорĕ тăван çĕр-шыв çинчен хывнă юрра шăрантарнипе уçăлчĕ. Хыççăн уйрăм юрăçсен, клуб учрежденийĕсенчи вокал ансамблĕсен юррисем янăрарĕç. Куракансем Сергей Иванова, Валентина Петровăна, Валентина Корниловăна, Зоя Лукишовăна, Алексей Егорова тата Валерий Лазаревпа Юлия Иванова çамрăк артистсене алă çупса йышăнчĕç. Уяв репертуарĕнче И.Дунаевскин, В.Соловьевăн тата пирĕн музыкăн «чĕрĕ легендин» - Александра Пахмутовăн юрри-кĕввисем пулчĕç.