31 мая 2014 г.
Тури Карачура ялĕнчи Акулина Власовна Никитина çу уйăхĕн 28-мĕшĕнче 90 çул тултарчĕ. Çак ятпа ĕç ветеранне район администрацийĕн пуçлăхĕ Александр Куликов ăшшăн саламларĕ, Раççей Президенчĕн В.Путинăн салам çырăвне вуласа пачĕ, çирĕп сывлăх сунчĕ.
Акулина çичĕ çуллăх шкулта вĕреннĕ хыççăн Уйкас Юнтапара вăтам пĕлÿ илнĕ. Вĕреннĕшĕн укçа тÿлемелле, кашни кун 12 çухрăм утмалла. Ÿркенмен çамрăк хĕр, кунсеренех шкула çÿренĕ. Тăван çĕр-шывăн Аслă вăрçи пынă вăхăтра, 1943-1944 çулсенче, вĕрентекенре ĕçленĕ, çав хушăрах Карачура вулавăшĕн заведующийĕ те пулнă.
1944 çулта Акулина Власовна Анат Кăканарти Петр Никитин фронтовика качча тухать. Мăшăрсем пĕрле 39 çул пурăннă, 10 ача пăхса ÿстернĕ. Ачисем пурте аслă пĕлÿ илнĕ.
Г.ГЕННАДЬЕВ.