04 июня 2014 г.
Районти 9 шкулта сиплев лагерĕсем ĕçлеме пуçларĕç. Вĕсенче 404 ача сывлăха çирĕплетет. Канупа сывлăх лагерĕсем валли вырăнти бюджетран 726 пин тенкĕ уйăрнă. Район администрацийĕн вĕренÿ, социаллă аталану, çамрăксен политики тата спорт пайĕн ĕç планĕпе килĕшÿллĕн лагерьсене çу уйăхĕн 14-16 мĕшĕсенче ĕçлеме юрăхлă тесе йышăннă.
Лагерьсенче канакан ачасем халĕ хушма пĕлÿ илеççĕ, сывлăха çирĕплетеççĕ, усăллă канаççĕ.
Вĕсем кашни кунах уçă сывлăшра пулаççĕ, тĕрлĕрен вăйăсем выляççĕ, куравсене хутшăнаççĕ.