11 июня 2014 г.
Республикăри ял тăрăхĕсем хушшинче иртекен 17-мĕш спорт вăййисем Шупашкар районĕнче пулчĕç.
Элĕк районĕнчен механизаторсен ăмăртăвне «Авангард» хуçалăхри Александр Корниловпа Алексей Григорьев хутшăннă. Ку тупăшусем уйрăм командăпа иртнĕ.
Механизаторсем 500 метр чупнă, МТЗ-82 таркторсемпе 3 сотăй çĕре пĕр еннелле сухаланă. Пăт пуканĕсене йăтассипе те ăмăрту интереслĕ пулнă, уйрăмах 24 килограмлине сылтăм тата сулахай алăсемпе 3 минут çĕклессипе.
Программăн мĕнпур тупăшăвĕсене хутшăнса Александр Корнилов чи нумай очко пухнă, пĕрремĕш вырăна тухнă.