11 июня 2014 г.
Кăçалхи кăрлач-çу уйăхĕсенче районти ЗАГС пайĕ тин çеç çут тĕнчене килнĕ 76 пепкене шута илнĕ. Вĕсенчен 42-шĕ - арçын ачасем, 34-шĕ - хĕр ачасем. Пĕлтĕрхи çак тапхăрта 74 ача çуралнă: 34 арçын ачапа 40 хĕрача.
2014 çулта çуралнисенчен 28-шĕ - пирвайхисем, 26 çемьене иккĕмĕш ача килсе çитнĕ, 16 çемьере виççĕмĕшсем, тата тепĕр 3-шер çемьере тăваттăмĕшсемпе пиллĕкмĕш ачасем.
5 уйăхра 137 çын пурнăçран уйрăлнă, пĕлтĕр - 157 çын. Ытларах чухне чĕре чирĕпе аптракансем пурнăçран уйрăлаççĕ, рак чирĕпе те ĕмĕре кĕскетеççĕ, сывлăш пÿлĕнни вилĕме çывхартать, инкек-синкек пулсассăн та çын пурнăçран вăхăтсăр уйрăлать.
Танлаштарса пăхăр: асăннă тапхăрта кăçал та, иртнĕ çул та 27 мăшăрлану пулнă. Кăçал 13 çемье арканнă.
М.НИКОЛАЕВА.