18 июня 2014 г.
Нимĕн те калаймăн, тăлăх-туратсем, ашшĕ-амăшĕ пур çинчех урам тăрăх çапкаланса çÿрекен вĕтĕр-шакăр ыйтăвĕ паян кун та çивĕч тăрать. Ачасене пулăшмаллах, ÿссе çирĕпленме лайăх майсем туса памалла. Çавăншăн тăрăшать те ĕнтĕ пирĕн патшалăх.
Шел пулин те, хăшпĕр ашшĕ-амăшĕсем хăйсен тивĕçĕсене кирлĕ пек пурнăçламаççĕ. Акă, пĕр амăшĕ 2 ача çуратнă. Çут тĕнчене килнĕскерсене утьăкка сиктерсе, тутлă апат çитерсе, лайăх тумлантарса ÿстермеллеччĕ-ха та ĕнтĕ унăн. Районти опекăпа попечительство органĕ çак хĕрарăма амăшĕн прависĕр хăварчĕ. Шăпăрлансене халĕ опекунсем хăйсен çемйине йышăннă. Вĕсем иккĕшне те юратса пăхаççĕ.
И.ИЛЬИНА.