21 июня 2014 г.
Тăвай районĕнчи «Акконд-Агро» хупă акционерлă обществăра ĕнесене машинăпа сăвакан ăстасен тата выльăхсене искусствăлла майпа пĕтĕлентерекен операторсен республикăри конкурсĕ иртнĕ. Унта 40 ытла çын хутшăннă.
Жюри конкурса хутшăнакансен теори пĕлĕвĕпе ĕçри хăнăхăвĕсене çирĕп тĕрĕсленĕ. Сăмахран, теори урокĕсенче 20 ыйту-тест панă. Кашнийĕнех пур ыйтăва та тĕрĕс хуравламалла пулнă. Кун хыççăн конкурсантсем хăйсен ĕçри пултарулăхне кăтартнă.
Республикăри конкурса пирĕн районти «Новый путь» ял хуçалăх кооперативĕнчи Татьяна Гордеева та хутшăннă. Выльăхсене искусствăлла майпа пĕтĕлентерекен операторсем хушшинче вăл виççĕмĕш вырăна йышăннă.