Публикации » Савăнчĕ уявра ял халăхĕ

21 июня 2014 г.

Пĕчĕк Карачурара пурăнакансем ял уявне ирттерчĕç. Унăн сценарине мăшăрсем - Лидия Алексеевнăпа Иван Онуфриевич тата культура ĕçченĕ Светлана Иванова тăрăшса хатĕрленĕ. Ехремкасси ял тăрăхĕн администраци пуçлăхĕн тивĕçĕсене вăхăтлăха пурнăçлакан Алина Андреева Карачурари культура центрĕнчи художество пултарулăх ăстисене тата юбилярсене тав хучĕсем пачĕ. Ял старости Иван Кузьмин Пĕчĕк Карачура мĕнле пуçланса кайни çинчен тĕплĕн каларĕ. «Авангард» ял хуçалăх кооперативĕн тĕп бухгалтерĕ Л.Лаврентьева ĕçре малта пыракансене асăнмалăх парнесем пачĕ.

Карачурари культура çурчĕн ĕçченĕсем кăтартнă концерт ял çыннисен кăмăлне çĕклерĕ. Уява йĕркелекенсем пурне те вĕри чейпе, шÿрпепе хăналарĕç.