28 июня 2014 г.
Выльăх апачĕ хатĕрлес ĕçсем мĕнле пынипе паллашас тĕллевпе район администрацийĕн пуçлăхĕ Александр Куликов «Правда» тата «Алмаз» хуçалăхсенче пулнă.
«Правдăра» паян тимлесех хĕл валли выльăх апачĕ хатĕрлеççĕ. Нумай çул ÿсекен курăксене 89 гектар çулнă (пĕтĕм лаптăкăн 82 проценчĕ). Ку таранччен 45 тонна утă хатĕрленĕ, 280 тонна сенаж хывнă. Уйра курăк çулакан 3 агрегат ĕçлет. Ку хуçалăхра паян-ыран кĕрхи культурăсене акмашкăн çĕр хатĕрлеме пуçăнаççĕ. «Алмаз» хуçалăхра та утçи сарăлнă. Нумай çул ÿсекен курăксене пурĕ 136 гектар çулмалла, ку ĕçсем вĕçленнĕпе пĕрех, утă 190 тонна хатĕрленĕ.