02 июля 2014 г.
Ытти çĕрти пекех, Ехремкасси ял тăрăхĕнче пурăнакансем те çу кунĕсене килте мар, уйра-хирте ирттереççĕ.
Паянхи кун хресчене кирек хăçан та пулăшакан лашана сайра куратăн. Çавăнпах ял çынни патшалăхран кивçен (кредит) илсе те пулин тĕрлĕрен техника туянать, çав шутра мотоблоксем те. Акă, хальхи вăхăтра уйра иртен пуçласа мĕн каç пуличчен пĕчĕк тракторсен кĕрлевĕ илтĕнсе тăрать: мотоблоксемпе утă çулаççĕ, прицепсем çине тиесе турттарса кĕртеççĕ, анисене сухаласа кăпкалатаççĕ.
Кăçал ял çыннисем 800 ытла ĕне выльăх усраççĕ, вĕсенчен 498-шĕ - савăнаканнисем. Кашни çулах хĕл каçма 4-5 тонна утă хатĕрлеççĕ. Халĕ пĕрремĕш утçи пырать. Хресченсем курăка иккĕмĕш-виççĕмĕш хутчен çулса илме те шутлаçççĕ.