19 июля 2014 г.
Ака-çĕртме уйăхĕсенче кăçал район администрацине граждансенчен 123 çыру килнĕ, 9 çын сăмах вĕççĕн ыйтса пĕлнĕ, ушкăнпа пĕрле çырнисем - 2, темиçе хут çырнă 2 çырăва шута илнĕ, 1 ыйтăва тĕрĕслеве йышăннă. Çакна палăртмалла: кăçалхи пĕрремĕш кварталта, пĕлтĕрхи çак тапхăртипе шутласан, район администрацине ыйтусемпе пыракансем 1,5 хут сахалланнă.
Çĕр ыйтăвĕ яланхи пекех чи шухăшлаттараканни (96 çыру). Çынсене çĕр лаптăкне пайлас-валеçес, строительство объекчĕсене хăпартма вырăн илес, хушма хуçалăха аталантарас ыйтусем хытах кăсăклантараççĕ.
Пурăнмалли çурт-йĕр, социаллă пулăшу, строительство ыйтăвĕсене 17 граждан хускатнă.