Публикации » Раççей Президенчĕпе тĕл пулнă

26 июля 2014 г.

Мускавра РФ Президенчĕ Владимир Путин Чăваш Ен Пуçлăхĕпе Михаил Игнатьевпа ĕçлĕ тĕл пулу ирттернĕ. Чăваш Республикин Пуçлăхĕ Раççей Президентне 2012-мĕш çултан пуçласа республикăра демографи лару-тăрăвĕ лайăхланнине пĕлтернĕ. Юлашки çулсенче нумай ачаллă çемьесем чылай ÿснĕ. Республикăра обществăлла лару-тăрăва илес пулсан, 128 наци халăхĕ пĕр-пĕринпе килĕштерсе пурăнать. Михаил Игнатьев Раççей Президентне Владимир Путина республикăра пурăнакан граждансен пурнăç условине лайăхлатассипе, çурт-йĕр ыйтăвĕсене татса парассипе çыхăннă пĕлтерĕшлĕ программăсем еплерех пурнăçа кĕрсе пыни çинчен каласа панă. Ача сачĕсене хута ярассипе пĕрлех Чăваш Республикин çитес çулăн социаллă экономика аталанăвĕн пулас çул-йĕрĕсем пирки те калаçнă.