26 июля 2014 г.
Укçи-тенки, чăнах та, мĕн ĕлĕкрен каланă пекех, чул айĕнче-ха ĕнтĕ вăл. Ку тĕлĕшрен çемьесене кредитсем самаях пулăшаççĕ. Акă «АПК аталанăвĕ» наци проекчĕпе килĕшÿллĕн 2006 çултанпа районта пурăнакан 4196 çын (харпăр хуçалăх тытакансен 47 проценчĕ) 634 миллион та 508 пин тенкĕлĕх кивçен укçа илнĕ. Кредитсемпе Элĕк, Крымсарайка, Тени ял тăрăхĕсенчи граждансем ăнăçлă усă кураççĕ. Яланхи пекех, кивçен укçа илекенсем ял хуçалăх техники, ăратлă выльăх туянаççĕ, çĕнĕ витесем хăпартаççĕ, кивелнисене çĕнетеççĕ.