26 июля 2014 г.
Вăрнар поселокĕнче ялти ачасен «Ылтăн пучах» футбол вăййисем иртнĕ. Хальхинче республикăри çак ăмăртусене Элĕк, Йĕпреç, Канаш, Хĕрлĕ Чутай, Красноармейски, Çĕрпÿ, Шупашкар районĕсенчи çамрăк футболистсем килсе çитнĕ. Турнирта 1999-2001 çулсенче çуралнă спортсменсен 8 команди тата 2001-2003 çулсенчи ачасен 6 ушкăнĕ тупăшнă.
Аслă ушкăнри ăмăртусене пирĕн районтан Шĕмшеш футболисчĕсем хутшăннă (тренерĕ - Владимир Трофимов). Ентешсем турнир хуçисене «Химик-Август» командăна çĕнтернĕ. Вăйăра нихăшĕ те пĕрне-пĕри парăнтарайман. Пĕтĕмпех пенальти татса панă, шĕмшешсем кÿршĕсен хапхине ытларах тапса кĕртнĕ те çĕнтерÿçĕ пулса тăнă.
Г.ГЕННАДЬЕВ