30 июля 2014 г.
Мускавра иртнĕ тĕл пулура В.Путин хăйне мĕнле тытни, тÿлек калаçни Михаил Васильевичăн ĕç-хĕлне ырланине, ăна шаннине пĕлтерет.
Манăн республикăра пурăнакансен социаллă хăй туйăмлăхĕ лайăхланса пынине палăртас килет. Акă «Ял территорийĕн çирĕп аталанăвĕ» программа тăрăх 35 çула çитичченхи ÿсĕмри мар граждансем тавăрса памалла мар тÿлевсене тивĕçеççĕ. Хальхи вăхăтра ялсенче çурт-йĕр çĕнетекен çамрăк çемьесем йышланса пыраççĕ. Пĕчĕк тата вăтам бизнеса аталантаракансем те пур. Республикăра ача сачĕсен строительствипе нумай ĕçлени лайăх палăрать. Çавăнпа пĕрлех демографи лару-тăрăвĕ те ырă еннелле улшăнать.
Чăваш Ен халĕ аталану çулĕ çинче. Ÿсĕмсем курăмлă пуласси иккĕлентермест.
А.ТИМОФЕЕВ,
районти ветерансен канашĕн председателĕ.