06 августа 2014 г.
Кăканар ялĕн урамĕсем çуллахи уйăхсенче ачасен хаваслă сассисемпе тулаççĕ. Карачурари культура çурчĕн ĕçченĕсем ачасен канăвне кирлĕ пек йĕркелес тесе тĕрлĕ енлĕ ĕçлеççĕ. Хавхалануллă спорт мероприятийĕсем ирттереççĕ. Ачасен сывлăхĕ çине те тимлĕх уйăраççĕ.
Нумай çул ĕçлесе сахал мар опыт пухнă та ачасен канăвĕ енĕпе лайăх сĕнÿсене суйласа илнĕ. Августăн 30-мĕшĕнче Мăн Кăканар ялĕнче ачасем валли «Смешарики» спортпа вăйă программине ирттернĕ. Программăра- кулăшла экологи викторини, спорт номерĕсем пулнă. Юлашкинчен «Супер Твистер» хавхалануллă вăйă . Уявра чи активлисем - Ирина Иванова, Дарья Павлова, Артем Капитонов, Данил Павлов, Даша Никитина, Марина Филиппова тата ыттисем.