Публикации » Юсав ĕçĕсене ирттернĕ

06 августа 2014 г.

Ехремкассинчи информаципе культура центрĕ çумĕнчи Карачурари социаллă культура центрĕ утă уйăхĕнче косметикăлла юсав ĕçĕсем ирттерчĕ. Фойери стенасене сăрласа çĕнĕ сăн кĕртрĕ, электропăралуксене улăштарчĕ. Çак ĕçсене Анатри Карачура ялĕнче пурăнакан Л.Онуфриева спонсорла пулăшу панипе пурнăçланă. Лидия Алексеевна хăйĕн шутĕнчен сăрăсемпе тата ытти хутăшсем илсе панă. Валерий Иванов электрик фойере çутăпа çыхăннă ĕçсене пĕтĕмĕшпех пурнăçланă. Светлана Ефремова, Ираида Кириллова, Светлана Иванова культура ĕçченĕсем стенасене сăрласа илемлетнĕ. Çавăн пекех вĕсене художествăлла пултарулăх коллективне çÿрекен Виктория Логинова та пысăк пулăшу кÿнĕ.