Публикации » Ял çыннин ĕçне хăнăхаççĕ

06 августа 2014 г.

Юнтапари вăтам шкулта çитĕнекен ăрăва ĕçе хăнăхтарассине тата тивĕçлĕ професси суйласа илме вĕрентессине лайăх йĕркеленĕ. Вĕренÿ мастерскойĕсене, ял хуçалăх техникин пÿлĕмне кирлĕ оборудовани вырнаçтарнă. 10-11 классенче вĕренекен хĕрсемпе каччăсем механизаци енĕпе пĕлÿ илеççĕ. Хĕлле вĕсем ял хуçалăх культурисен агротехникине вĕренеççĕ, ÿсен-тăран сорчĕсене тĕпчеççĕ. Светлана Константинова технологи вĕрентекенĕ пулăшнипе агрономипе зоотехни енĕпе пуçламăш пĕлÿ илеççĕ. Çу кунĕсенче юнтапасем çĕр улми, тĕрлĕ пахча çимĕç ÿстереççĕ. Кунсăр пуçне утă хатĕрлеççĕ. Çаксем пурте вĕренекене çĕр ĕçне хăнăхма, выльăх-чĕрлĕх пăхассипе пуçламăш пĕлÿ илме пулăшаççĕ.