09 августа 2014 г.
Иртнĕ кунсенче Канаш хулинчи психологипе педагогика реабилитацийĕн тата коррекци центрĕнче пĕтĕм Раççейри «Чи лайăх усрав çемье» конкурсăн республикăри тапхăрĕн çĕнтерÿçисене чысланă. Чăваш Республикнчи 16 районтан 35 çемье хутшăннă унта. Вĕсенче пĕр ачаран пуçласа 7 шăпăрлана, хайсен хуттине илнĕ çĕнĕ ашшĕ- амăшĕсем хутшăнна. Асăннă конкурса Элĕк районĕнчи пилĕк усрав çемье хăйсен ĕçĕсене тăратнă. Унта вĕсем çемьери йăла- йĕркене, пĕр-пĕрин хушшинчи хутшăнусене, пушă вăхăта мĕнле ирттернине туллин сăнланă. Тăватă номинаципе иртнĕ конкурсра видеофильм ÿкерсе Афанасьевсен çемйи- иккĕмĕш, Тенири Никитинсем виççĕмĕш вырăнсене тухнă. Анаткас Юнтапари Павловсем «Çемье пултарулăхĕ» номинацире виççĕмĕш вырăна тивĕçнĕ.
Филипповсемпе Кузнецовсен çемйисене сертификатсем парса чысланă.
И. ИЛЬИНА,
опекăпа попечительство органĕн специалисчĕ.