09 августа 2014 г.
Чăваш Республикин Пуçлăхĕн М.Игнатьевăн «Чăваш Республикинчи ял çыннисене медицинăпа санитари пулăшăвĕ парассине лайăхлатмалли хушма мерăсем çинчен» Указĕпе килĕшÿллĕн районта виçĕ фельдшер-акушер пунктне çĕнĕрен тума пăхнă. 2013 çулта Хирлеппуç ялĕнче ку чухнехи сиплев учрежденине ĕçе янă.
Кăçал модульлĕ фельдшер-акушер пунктне Мăн Ямаш салинче тăваççĕ. Хальхи вăхăтра объектра никĕс ярассипе ĕçленĕ, стенасене те хăпартнă. Тăрă тăвас енĕпе ĕç вĕçленсе пырать. Шĕмшеш ял тăрăхĕнчи Мăн Ямаш, Яккушкăнь ялĕсенче пурăнакансене лайăх пахалăхлă медицина пулăшăвĕ парас тĕллевпе ку чухнехи медицина оборудованийĕ вырнаçтараççĕ тата ытти хатĕрсемпе те тивĕçтереççĕ.