Публикации » «Авалхи юрăсен сассин» лауреачĕ

29 июня 2018 г.

Çак кунсенче Шупашкарта И.Я.Яковлев ячĕллĕ Чăваш патшалăх педагогика университетĕнче Гаврил Федорова асăнса «Авалхи юрăсен сасси» регионсем хушшинчи 1-мĕш фестиваль-конкурсĕ иртнĕ. Унта халăх юррине илемлĕн шăрантаракансем пухăннă. Пирĕн районтан асăннă конкурса Элĕкри ача-пăча ÿнер шкулне çÿрекен тăваттăмĕш класри Никита Арсентьев хутшăннă. Вăл «Солистсем» номинацире палăрнă. «Сакки сарă, сарлака» тата «Мĕн хаклăрах» юррисемпе 2-мĕш степеньлĕ лауреат ятне тивĕçнĕ. Унăн концертмейстерĕ - Владимир Тереньтев, вĕрентекенĕ - Алина Михайлова. Никита Юрă фольклор ушкăнĕнче пĕрремĕш класранпах вĕренет. Апла пулин те çитĕнĕвĕсем те сахал мар. Юрланисĕр пуçне вăл кăçал баян музыка инструменчĕпе калассипе те пĕрремĕш утăмсем тума пуçланă.