Публикации » Утă типĕтеççĕ, сенаж хываççĕ

06 июля 2018 г.

Ял хуçалăх отраслĕнчи паянхи тĕп тĕллев - выльăх апачĕ хатĕрлесси. Ку енĕпе ĕç-хĕл сарăлсах пырать. Июнĕн 4-мĕшĕ тĕлне илсен, нумай çул ÿсекен курăксене 1360 гектар (50 процент) çулнă. Утă планпа палăртнă 3388 тонна вырăнне 410 тонна, сенаж 6567 тонна вырăнне 2400 тонна хатĕрленĕ. Пĕтĕмĕшле илсен, 905 тонна апат единици, кашни условнăй выльăх пуçне 4,89 апат единици янтăланă. Выльăх апачĕ хатĕрлессипе «Новый путь» хуçалăх малта пырать. Кунта нумай çул ÿсекен курăксене 750 гектар çулнă. Утă 210 тонна типĕтнĕ. Сенаж 2400 тонна хывнă. «Авангард» хуçалăхра та «симĕс ĕççи» вăй илсе пырать. Карачурасем нумай çул ÿсекен курăксене 120 гектар çулнă. Утă 200 тонна янтăланă. Ульянов ячĕллĕ хуçалăхра та ĕç шавĕ. Нумай çул ÿсекен курăка 60 гектар çулнă. Утă 150 тонна хатĕрленĕ. Кĕр тыррисене акма çĕр 1210 гектар сухаласа çемçетнĕ.