Публикации » Паркра - çĕнĕ стелла

10 июля 2018 г.

«Пограничниксен тăванлăхĕ» пĕрлĕх хăй вăхăтĕнче çĕршыв чиккине хÿтĕленĕ çĕрте служба ирттернисене пĕр çĕре пухассипе пысăк ĕç туса ирттерет. Элĕкри кану паркĕнче патшалăх символне палăртакан пограничниксен юпине вырнаçтарни çинчен хыпарланăччĕ. Ĕнер кăна унпа юнашарах хăтлă вырăнта мĕнпур ăрури чикĕ хуралçи ячĕпе стелла вырнаçтарчĕç. Унăн çÿлти пайĕнче «Элĕк районĕнчи пограничниксене халалласа» тесе çырнă, тĕп пайĕнче чикĕ хĕрринчи çамрăк салтака йытăпа пĕрле сăнланă. Пĕрлĕх председателĕ Борис Степанов пĕлтернĕ тăрăх, çак вырăн Элĕксемшĕн пĕлтерĕшлĕ пулса тăмалла. Стеллăна вырнаçтарнă çĕре те Алексей Николаев, Сергей Яковлев, Юрий Мартынов, Борис Степанов пограничниксем хастар хутшăнчĕç.

М.МИХАЙЛОВА.