00:00 16 февраля 2011 г.
Элĕкри культурăпа кану центрĕнче 10-11-мĕш классенче вĕренекенсемпе тĕл пулу иртрĕ. Унта республикăри аслă шкулсенче вĕрентекенсем профильлĕ вĕренÿ тата профориентаци ĕçĕ пирки калаçрĕç. Элĕк район администрацийĕн пуçлăхĕн пĕрремĕш çумĕ А.Куликов, ял хуçалăх академийĕн ректорĕ Н.Кириллов тата унта ĕçлекенсем, коопераци институчĕн ректорĕ В.Андреев, Чăваш патшалăх университечĕн тата Чăваш патшалăх педагогика университечĕн ĕçченĕсем шкул ачисене аслă шкулсен ĕçĕ-хĕлĕпе, унти çитĕнÿсемпе паллаштарчĕç, хăйсем патне вĕренме пыма йыхравларĕç.
Тĕл пулăва студентсем савăнăçлă юрă-ташăпа вĕçлерĕç.