00:00 16 февраля 2011 г.
Çут çанталăк пуянлăхне упрасси – кашни çынăн тивĕçĕ. Шел пулин те тăван тавралăха сăтăр тăвакансем те пур-ха.
Çак кунсенче, акă, Тури Вылă ялĕ çывăхĕнчи вăрманта браконьерсене тытса чартăмăр. Кусем иккĕн, Хĕрлĕ Чутай районĕнче пурăнакансем, хир сыснин ашне çиесшĕн пулнă-ши; Тискер чĕр чуна тытнă та пусса тирпейленĕ. Какайне вара вăрман хĕррине илсе тухса пытарнă. Ахăртнех ашне каярах илсе кайма шут тытнă сăтăрçăсем.
Браконьерсен çулне пÿлме районти шалти ĕçсен пайĕн ĕçченĕсем пысăк пулăшу кÿчĕç. Сунар тапхăрне, унăн йăли-йĕркине пăхăнманскерсен халĕ саккун умĕнче явап тытма тивет.
Ю.МИХАЙЛОВ,
Чăваш Енри «Госохотрыбслужбăн»
Элĕк районĕпе ĕçлекен инспекторĕ.