00:00 16 февраля 2011 г.
Иртнĕ шăмат кун, февралĕн 12-мĕшĕнче, Элĕкри «Хĕлхем» физкультурăпа спорт комплексĕнче волейболла выляссипе ветерансем вăй виçрĕç. Ăмăртăва пурĕ 5 команда хутшăнчĕ. Турнира районти паллă тухтăра тата спортсмена Ю.И.Мулюкова асăнса ирттерчĕç. Хĕрÿ кĕрешÿре пурне те парăнтарса Ехремкасси ял тăрăхĕн волейболисчĕсем мала тухрĕç, куçса çÿрекен кубока çĕнсе илме пултарчĕç. Финалта вĕсем площадка хуçисене – «Хĕлхем» командине çĕнтерчĕç. Виççĕмĕш вырăна вара ехремкассисен 2-мĕш команди тухрĕ.
Çитес эрнере те, февралĕн 19-мĕшĕнче, комплексра ăмăртусем пулĕç. Хальхинче кĕрешĕве çамрăк волейболистсем тухĕç. Вĕсем йăлана кĕнĕ кубока çĕнсе илессишĕн вăй виçĕç. Ăмăртусем 10 сехетре пуçланĕç.
С.ЛАВРЕНТЬЕВ.