00:00 13 апреля 2011 г.
Райадминистрацин ЗАГС пайĕ виçĕ уйăхри ĕç кăтартăвĕсене пĕтĕмлетрĕ. Çак тапхăрта пирĕн районта çут тĕнчене 47 пепке килнĕ. Пĕлтĕрхи виçĕ уйăхрипе танлаштарсан, 2 ача нумайрах çуралнă. Ку йышран 21-шĕ – арçын ачасем, 26-шĕ – чиперуксем.
Кăçалхи виçĕ уйăхра районта 98 çын çут тĕнчерен уйрăлнă (пĕлтĕрхинчен 3 çын сахалрах). Çак шутран 40-шĕ – арçынсем, 58-шĕ – хĕрарăмсем. Арçынсен пурăнаслăхĕ 64 çулпа, хĕрарăмсен 77 çулпа танлашать.
2011 çулхи кăрлач-пуш уйăхĕсенче 27 мăшăрланăва шута илнĕ (пĕлтĕрхинчен 11 нумайрах). Ытларах вăтăр çул тултарман çамрăксем пĕрлешнĕ. Виçĕ уйăхра 15 мăшăр уйрăлнă (пĕлтĕрхипе танлаштарсан, 11 çемье нумайрах).
М.НИКОЛАЕВА,
ЗАГС пайĕн ертÿçи.