00:00 19 сентября 2011 г.
Тавăтра ыттисенчен нимĕнпе те уйрăлса тăман, ялти сумлăран та сумлă çынсенчен пĕри Иван Николаевич Николаев пурăнать.
Вăл вăрçă витĕр тухнă. Ленинград хулине хÿтĕленĕ, Мускав патĕнче çапăçнă, Польшăна ирĕке кăларнă çĕре хутшăннă. Берлина çитнĕ. 1946 çулхи майăн 13-мĕшĕнче тăван яла таврăннă. «Таутово» колхозра бригадирта ĕçленĕ. Элĕкри пахча çимĕç комбинатĕнче те вăй хунă. 1953 çулта Иван Николаевич пĕр ял хĕрĕпе Антонинăпа çемье çавăрнă. Мăшăрĕпе пĕрле 5 ачана воспитани панă.
Анчахрах И.Николаев тăхăр вунă çула çитнине паллă турĕ. Юбилей ячĕпе ăна нумай çын саламларĕç, ырлăх-сывлăх сунчĕç. Шкул ачисем акă юрăсемпе савăнтарчĕç.
К. ПЕРОВ.