00:00 21 сентября 2011 г.
Вунă шкулти 139 çамрăк кĕркуннехи çăмăл атлетсен кроссне хутшăнчĕç.
1996 çулта çуралнă хĕрсен йышăнче Тавăтри вăтам шкулта ăс пухакан Т.Федорована çитекенни пулмарĕ. Иккĕмĕш вырăнта Ураскилтри С.Кузикова, Питĕшкасси шкулĕнчи Н.Николаева вара финиша виççĕмĕш çитрĕ.
Арçын ачасен ушкăнĕнче те тавăтсем чи малтисем пулчĕç. А.Деведеров пĕрремĕш вырăна тухрĕ. Шĕмшешри И.Кириллов – иккĕмĕш, виçĕмĕш вырăнта Питĕшкассинчи вăтам шкулти – Р.Николаев.
1994-1995 çулта çуралнă хĕрсен ушкăнĕнче О.Максимова (Шĕмшеш), Е.Макарова (Питĕшкасси), М.Федорова (Элĕк) палăрчĕç.
Çав çулсенчи арçын ачасенчен йышăнче Е.Александров (Шĕмшеш), С.Нестеров (Юнтапа), Д.Степанов (Питĕшкасси) чи çивĕччисем пулчĕç.
Шкулсен командисене палăртас пулсан, пĕрремĕш вырăна Шĕмшеш шкулĕ тивĕçрĕ. Элĕксем иккĕмĕш, Питĕшкасси вăтам шкулĕн команди виççĕмĕш вырăна тухрĕ.