00:00 26 сентября 2011 г.
Авăн уйăхĕн 17-мĕшĕнче кÿршĕлле Етĕрне районĕн шахмат федерацийĕ пулăшу ыйтнине шута илсе районти «е2-е4» шахмата юратакансен клубĕн членĕсем В.С.Ефимов (Ехремкасси), Б.И. Кириллов (Мăн Вылă), А.А.Иванов тата В.П.Федоров (Элĕк сали) ирех çула тухрĕç. Ăмăртусем Чулхула облаçĕнчи Воротынецра хула кунне асăнса иртрĕç. Кубока çĕнсе илессишĕн тăхăр команда тупăшрĕ, 75 çын пухăнчĕ анчахрах хута янă хăтлă спорт комплексĕнче.
Ăмăрту çакна кăтартса пачĕ: пĕрлештернĕ Етĕрне команди 26 очко пухса виççĕмĕш вырăна йышăннă «Воротынец-1» командăна пĕтĕмпе те çур очко çеç выляса ячĕ. Элĕк Ен çыннисем те япăх мар вылярĕç. В.С.Ефимов тата Б.И.Кириллов 6 очко пухма май пур çĕрте 4,5 очко пухса спорт мастерĕн кандидачĕсен нормативне тултарчĕç. 75 çын хушшинче В.С.Ефимов 9-мĕш, Б.И.Кириллов 10-мĕш вырăнсене йышăнчĕç.
З.ФЕДОРОВ,
«е2-е4» шахмат клубĕн ертÿçи.