Новости » Çамрăк туристсем конкурса хутшăннă

00:00 26 сентября 2011 г.

Тăтăшах çулçÿревсенче пулни, турист сукмакĕсемпе хавхаланса утни ачасемпе çамрăксене сывлăха çирĕплетме, тавракурăма аталантарма пулăшать. Çак тĕллевпе иртнĕ те ĕнтĕ пирĕн районта «Чăваш Ен турисчĕсен калейдоскопĕ» сăн ÿкерчĕксен конкурсĕ. Унта темиçе тĕрлĕ номинаци пулнă. «Асамлă вырăн» номинацире Карачура шкулĕнче 3-мĕш класра вĕренекен Марина Иванова çĕнтернĕ. Вăл «Эпир пурте пулăçсем» фото ĕç йĕркеленĕ. «Тăван ялăм» номинацире чи малти те – çак шкулти 7-мĕш класри Ирина Иванова. Конкурса Ирина «Анна асаннепе качака такисем» сăн ÿкерчĕкпе тухнă. Элĕк шкулĕнчи 1-мĕш класа çÿрекен Никита Иванов та сăн ÿкерме ăста иккен. Шкула пĕлÿ пухма çÿрекенскер «Туризм – сăнарсенче» номинацире «Мана нимĕн те йывăр мар» сăн ÿкерчĕкпе пĕрремĕш вырăн йышăннă.