00:00 28 сентября 2011 г.
Шупашкарти «Спартак» стадионта республикăри судьясен тата суд тытăмĕнче ĕçлекенсен спартакиади иртрĕ. Ăмăртăва ЧР Судьясен Канашĕпе Суд департаменчĕ йĕркелерĕç. Асăннă ăмăртура пирĕн район сучĕн коллективĕ те пысăк кăтартусемпе палăрчĕ.
Спартакиадăра тĕрлĕрен дистанцисенче чупса тупăшрĕç, канат туртрĕç, атă персе ывăтрĕç, дартс, волейбол вăййисене вылярĕç. Пирĕн район сучĕн ĕçченĕсем пур енĕпе те палăрчĕç. Акă 100 метрлă дистанцире В.Васильева 1-мĕш вырăн, Р.Семенова иккĕмĕш вырăн çĕнсе илчĕç. Арçынсем 800 метрлă дистанцире тупăшрĕç. Пĕрремĕш вырăн – В.Никифоровăн. Волейболла выляса хĕрарăмсем иккĕмĕш вырăна çĕнсе илчĕç.
И.ЕФИМОВ,
район сучĕн председательне пулăшаканĕ.