00:00 28 сентября 2011 г.
Йăлкăшри Тамара Геннадьевнăпа Станислав Геннадьевич Петровсем тăватă хĕрпе пĕр ывăла кун çути парнеленĕ. Вĕсем пурте тĕрлĕ мероприятисене хаваспах хутшăнаççĕ. Ирина, Марина тата Галина Йăлкăш шкулĕпе сыв пуллашнă та ĕнтĕ. Алинăпа Алеша хальлĕхе шкулта-ха. 8-мĕш класра вĕренекен каччă шкулти КВН командине хутшăнать. Алина юрă-ташăпа питĕ туслă. Хăй пĕлтернĕ тăрăх ача садне çÿреме пуçланăранпах тĕрлĕ пултарулăх ушкăнĕсене хутшăннă, концертсемпе ялсене тухса çÿренĕ. Паянхи кунччен те çак туртăма çухатман вăл. Тĕрлĕ сочиненисем çырса та хĕр сахал мар малти вырăнсене тивĕçнĕ. Унпа пĕрлех спортпа та питĕ туслă.
Петровсем районти çемье çулне халалланă конкурса хутшăннă. Унта малти вырăна тухса район чысне Шупашкарта хÿтĕлеме тивĕçнĕ. Кил хуçи арçынĕ Станислав Геннадьевич та спортпа туслă – волейболла лайăх вылять.
И.ИВАНОВА.