00:00 12 октября 2011 г.
2011 çулхи юпа уйăхĕн 1-мĕшĕнчен пуçласа Элĕкри тĕп больницăра талăкĕпех сыхă тăракан пĕрремĕш медицина пулăшăвĕ паракан иккĕмĕш бригада ĕçлеме пуçларĕ. Вăл малалла канмалли тата уяв кунĕсенче те пулăшĕ. Çакă район çыннисене кирлĕ вăхăтра пĕтĕмĕшле медицина пулăшăвĕ илме май парать.
Ку яваплă ĕçре районта пĕр тухтăр, çичĕ фельдшер, пилĕк медсестра тата ултă водитель-санитар ĕçлеççĕ. Кашниех квалификациллĕ специалистсен сертификатне тивĕçнĕ.
Пурĕ районта 4 васкавлă пулăшу машини шутланать. Вĕсем хальхи вăхăтри медицинăра кирлĕ хатĕрсемпе пуян.
Шур халатлисен ĕçне компьютерпа йĕркелесе пыраççĕ. Васкавлă пулăшу чĕннĕ шăнкăравсемпе ятарлă программа ĕçлет.