00:00 24 октября 2011 г.
Пысăк тухăç илесси вăрлăхран нумай килет. Кăçал вăрлăха, районĕпе илсен, 1831 тонна хывса хăвармалла. Ку таранччен акмалли тĕш тырă культурисене 1498 центнер тĕрĕсленĕ. Çав шутран кондицилли 275 тонна çеç-ха.
Уйрăммăн илсен, чылай хуçалăхсем вăрлăха ытлашшипех хывса хăварчĕç.
«Правда» обществăра акмалли тырăсене 180 тонна вырăнне 189 тонна янтăланă. Акма юрăхли 152 тонна шутланать. «Новый путь» хуçалăхра 270 тонна вырăнне 277 тонна хатĕрленĕ пулсан, кондицилли 85 тонна кăна-ха.
«Авангард», «Звезда», «Журавлев» хуçалăхсенче те вăрлăх ытлашшипех хатĕрленĕ. Анчах кунти тырăсен пахалăхĕ тивĕçтермест-ха, кондицилли çукпа пĕрех.
Л. АНДРЕЕВА, РФ Ял хуçалăх центрĕн Элĕкри уйрăмĕн специалисчĕ