00:00 26 октября 2011 г.
Юпа уйăхĕн пĕрремĕшĕнчен районта та кĕрхи призыв тапхăрĕ пуçланчĕ.
Чăваш Сурăм ял тăрăхне кĕрекен 16 ялтан 12 çамрăка призыва чĕнтернĕ. Вĕсенчен иккĕшĕ аслă пĕлÿ илнĕ, тепри кăçал вĕренме кĕнĕ. Çавăн пекех техникумсемпе училищĕсенче ăс пухакансем те, «Новый путь» хуçалăхра ĕçлекенсем те пур. 1993-1994 çулсенче çуралнă яш-кĕрĕм халĕ медицина тĕрĕслевĕ витĕр тухаççĕ, сывлăхĕсем мĕнле шайра пулнине палăртаççĕ. Пулас салтаксемпе шкулта пĕлÿ илнĕ вăхăтрах калаçусем, уçă уроксем ирттеретпĕр. Çак ĕçе çар тивĕçне чыслă пурнăçласа таврăннă каччăсене, вĕрентекенсене явăçтаратпăр.
Н.ИЛЬИН,
Чăваш Сурăм ял тăрăхĕн специалисчĕ.