00:00 09 ноября 2011 г.
Район прокуратуринче коррупци ыйтăвĕпе лару иртрĕ. Прокуратура ĕçченĕсем коррупципе çыхăннă правона пăсни çинчен калаçрĕç. Районта çулсерен коррупципе çыхăннă саккуна пăснă тĕслĕхсен шучĕ ÿсни сисĕнет. 2010 çулăн пĕрремĕш çур çулĕнче 29 правона пăснă тĕслĕх тупса палăртнă. Пурĕ 5 протест тата 33 представлени тăратнă, 13 искла заявлени суда янă.
Район администрацинче тĕрĕслев ирттернĕ хыççăн çынна ĕçе илес йĕркене пăснă тĕслĕхсем тупнă. Çавăн пекех çĕр лаптăкĕсене сутса илессипе те çирĕп тĕрĕслев иртнĕ. Тĕрĕс мар килĕшÿ çырса илнĕ çĕр лаптăкĕсене муниципаллă харпăрлăха тавăрса панă. Йĕркене пăхăнманнине кура тавăçсене суда янă.
2011 çулхи пĕрремĕш çур çулта коррупци енĕпе çыхăннă 24 ĕç регистрациленĕ. Вĕсенчен 17-пе уголовлă ĕç пуçарнă.
В.ШОРКИН, район прокурорĕ.