00:00 09 ноября 2011 г.
Ураскилт ял тăрăхĕнче пурăнакансенчен чылайăшĕ килти хушма-хуçалăха аталантарасси çине пысăк тимлĕх уйăраççĕ. Çамрăк çемьесен шучĕ те сахалах мар. Иртнĕ 10 уйăхра пилĕк пепке çут тĕнчене килнĕ. Анчахрах Елена Александрова, Ирина Калмыкова тепрер хут ача амăшĕсем пулса тăчĕç.
Мăшăрланакансем те çук мар. Акă иртнĕ кунсенче Шĕнтрешри Зоя Федорован ывăлĕ çемье çавăрчĕ. Хулари кафере тăванĕсемпе савăнчĕç.
Çар ретне тăракансем те йышлă. Кĕрхи призыв тапхăрĕнче 16 яш-кĕрĕме чĕнтернĕ. Пурте тенĕ пекех медицина тĕрĕслевĕ витĕр тухнă.
Шел те, ытти çĕрти пекех вилекенсен шучĕ пур. Нумаях пулмасть виçĕ теçеткерен çеç иртнĕ çамрăкăн пурнăçĕ вăхăтсăр татăлнă. Яша автомашина çапса кайнă.
З.АЛЕКСАНДРОВА,
Ураскилт ял тăрăхĕн пуçлăхĕн çумĕ.