00:00 05 декабря 2011 г.
Район администрацийĕнче Тăван çĕршывăн Аслă вăрçин ветеранĕсене тата вĕсен çемйисен членĕсене савăнăçлă лару-тăрура пурăнмалли çурт-йĕр (хваттер) туянмалли свидельствăсем панă. Çак хаклă хута Аслă вăрçăра вилнĕ салтаксен 16 арăмĕ тивĕçнĕ.
Ветерансене асăннă свидетельствăна алăран тыттарнă май, район администрацийĕн пуçлăхĕ Л.Читнаев çирĕп сывлăх, вăрăм кун-çул суннă. Ветерансене çавăн пекех райадминистрацин социаллă хÿтлĕх пайĕн ертÿçи Г.Григорьева саламланă. Хăйсене тимлĕх уйăрнăшăн аслă çулхи хĕрарăмсем Раççей, Чăваш Ен тата район ертÿçисене чĕререн тав тунă.
Паянхи куна районта Аслă вăрçăра пулнă ветерансемпе тăлăха юлнă салтак арăмĕсене пурне те пурăнмалли çурт-йĕрпе тата хваттерпе тивĕçтерме учета илнĕ. Аслă вăрçăн 114 ветеранĕ çурт-йĕр тума е туянма укçа илмелли свидетельствăллă пулнă, 98 ветеран çурт-йĕр сутăн илнĕ.