00:00 08 февраля 2012 г.
Элĕк районĕнче Россельхознадзорăн Чăваш Енри управленийĕн çĕр контролĕн пайĕн специалисчĕсем 2011 çулта çĕр саккунĕсене пăхăннине тĕрĕсленĕ май 23 контрольпе надзор мероприятийĕ йĕркеленĕ. 6 ял хуçалăх предприятийĕн , 8 хресчен-фермер хуçалăхĕн тата 9 ял тăрăхĕн çĕрĕсене тĕпченĕ.
Районти 46,1 пин гектартан 19,2 пин гектарĕ тĕлĕшпе пĕтĕмлетÿ хатĕрленĕ. Палăртмалла, 2011 çулхи кăрлач уйăхĕн 1-мĕшĕ тĕлне пусă çаврăнăшне кĕртмен 7,1 пин гектар çĕр юлнă пулнă. Элĕксем пĕлтĕр 3,1 пин гектарĕпе усă курма пуçланă.
Управлени специалисчĕсене уйрăмах çут çанталăка сиен кÿме пултаракан çÿп-çап куписем хивре калаçу пуçарма хистенĕ. Акма-лартма юрăхлă 0,24 гектар çĕр ăпăр-тапăр айĕнче шар курнă. Районта планпа пăхнă тĕрĕслевсенче кăна çÿп-çап пăрахнă сакцилемен тăватă вырăна тупса палăртнă.
Çĕре юрăхсăра кăларнăшăн Элĕк, Юнтапа, Крымсарайкка, Питĕшкасси ял тăрăхĕсен пуçлăхĕсен тĕлĕшпе РФ КоАП-ĕн 8.6 статйин 2 пайĕпе административлă ĕç пуçарнă.
Н.ВАСИЛЬЕВА.