00:00 13 февраля 2012 г.
Çак кунсенче Чулкаç, Якунекасси ялĕсенче пурăнакансемпе тĕл пулу иртрĕ.
Юнтапа ял тăрăхĕн пуçлăхĕ А.Ананьев суйлавпа çыхăннă ыйтусем çинче чарăнса тăчĕ. Чăваш Республикин Пашалăх Канашĕн депутачĕ Владимир Мидуков суйлаври бюллетене кĕртнĕ кандидатсемпе паллаштарчĕ. Юнтапари пĕтĕмĕшле пĕлÿ паракан вăтам шкулăн директорĕ А.Кондратьев юлашки çулсенче çĕр-шыв йывăрлăхсене парăнтарма пултарнине палăртрĕ. Акă Путин Раççейĕн экономикине ура çине тăратассишĕн, халăх пурнăçне лайăхлатассишĕн сахал мар ырă ĕçсем тунине асăнчĕ. Хыççăн Элĕкри ветерансен хорĕ хăйĕн пултарулăхне кăтартрĕ, юрă хыççăн юрă шăрантарчĕ. Çавăн пекех ташăсем те пулчĕç. Концерт программине Надежда Ивановнăпа Эльвира Николаевна ăнăçлă ертсе пычĕç. Концерт пĕтсен залра ларакансем ветерансене ăшă сăмахсем каласа тав турĕç, малалла та килсе çÿреме чĕнчĕç.
А. ТИМОФЕЕВ,
районти ветерансен канашĕн председателĕ.