00:00 15 февраля 2012 г.
Элĕкри вăтам шкул команди интернационаллă тивĕçе пурнăçланисене тата Раççей ДОСААФĕ 85 çул тултарнине халалласа ирттернĕ ăмăртăва хутшăнчĕ.
Вĕренекенсем пневматика винтовкинчен перессипе, Калашников автоматне пăсса пуçтарассипе, автомата патронсем вырнаçтарассипе тупăшрĕç.
Пневматика винтовкинчен перессипе Элĕк команди иккĕмĕш вырăна тухрĕ. Уйрăмшарăн тупăшакансен йышĕнче Максим Степанова çитекен пулмарĕ. Калашников автомачĕн магазинне патрон лартассипе ирттернĕ конкурсра элĕксем виççĕмĕш пулчĕç, автомата пăсса пуçтарассипе тăваттăмĕш вырăна йышăнчĕç.
Пĕтĕмĕшле кăтартусем тăрăх Элĕк шкулĕн команди тăваттăмĕш вырăна тивĕçрĕ.
А.ИВАНОВ,
район администрацийĕн спорт енĕпе ĕçлекен специалисчĕ.