00:00 04 апреля 2012 г.
Ульянов ячĕллĕ хуçалăхра хальхи вăхăтра мăйракаллă шултра выльăх 292 пуç, çав шутра – сăвакан 72 ĕне. Иртнĕ çул кашни ĕнерен вăтамран 4500 килограмм ытларах сĕт илнĕ.
Хуçалăхăн сухаласа акмалли çĕр лаптăкĕ 754 гектар, ытларахăшĕ – халăхăн çĕр пайĕсене арендăна илни. Вĕсемпе усă курнăшăн пай хуçисене ятарлă килĕшÿпе тырă параççĕ. 2011 çулта тыр-пула 506 гектар çинче пухса кĕртнĕ, кашнинчен вăтамран 21 центнер тухăç илнĕ. Кĕрхи культурăсене 90 гектар акса хăварнă.
Çурхи ака ĕçĕсене хатĕрленесси тĕп вырăнта. Вăрлăх 135 тонна янтăланă, халĕ ăна тепĕр хут аллаççĕ. Хальлĕхе 40 тонна ытла удобрени кÿрсе килнĕ. Хуçалăх 2010 çулта трактор туяннă. Кăçал çĕнĕ ферма хута ярасшăн.